Já, það er ekki hægt að segja annað. Í dag fórum við í hádeginu að fljúga. Ég fór nú með kennarann með mér því ég var ekki í mínu besta formi, enda kominn með eitthvað helvítis kvef! Hvernig er hægt að fá kvef á stað þar sem hitinn fer vara niður fyrir 30 gráðurnar! Er búinn að vera hóstandi í allan dag og með nefrennsli, mjög skemmtilegt. Svo í ofanálag er maður kófsveittur hérna allan daginn!

En þetta lagast nú vona ég.

Ég flaug rúmlega tvo tíma í dag. Fór suður frá Chandler yfir til Pinal, sem er mitt á milli Phoenix og Tucon. Það var magnað. Þar eru geymdar heill hellingur af Boeing 747 júmbóþotunum sem flugfélögin hafa lagt. Þær eru svo rifnar niður í varahluti. Arizona er víst besti staðurinn til að geyma svona "brotajárn" því loftið hér er svo þurrt og þannig minni líkur á að hlutirnir skemmist hér, ryðgi eða eitthvað svoleiðis. Það var ágætt að fara loksins aðeins útfyrir allt hérna.

Ég sá um talstöðina slálfur í dag og gekk bara vel. Lýst bara ágætlega á þetta. Aðal málið er að rata hérna á milli. Þetta er allt svo stórt hér. Trúi því vel að það sé mjög auðvelt að villast hérna ef maður hefur enga kunnáttu í því að nota vitana sem eru hér út um allt, svo kallaða VOR-vita. Hér í kring um Phoenix eru tugir vita, en heima á Íslandi eru bara þrír svoleiðis vitar, enda frekar erfitt að villast heima!

Annars erum við öll búin að bóka flugvélar frá klukkan 9 í fyrramálið til kl. 12 og svo aftur frá kl. 15 til 18, þannig að maður ætti nú að geta flogið nokkra klukkutímana á morgun. Þá fer ég í fyrsta sinn einn að fljúga, það verður spennandi!

Klukkan heima núna er 06:50 en hér í Chandler 23:50, F.Y.I., þannig að ég ætla að fara að drífa mig í háttinn svo ég verið vel upplagður í fyrramálið. Vonandi næ ég að sofa úr mér þetta bölvaða kvef!

Jamm, jamm, jamm...