Já, það er búið að vera frekar rólegt hjá mér hérna í Phoenix í dag. Við Óli vöknuðum rúmlega 9 og höfðum okkur til, fórum niður í skóla og ég slappaði bara af þar á meðan Eric fór yfir nokkra hluti með Óla, svona eins og var farið yfir með okkur Rúnari og Rut.

Veðrið í dag var frekar leiðinlegt og þess vegna ekki farið að fljúga í dag. Þrumuveður allt í kring og vindurinn breyttist með litlum fyrirvara. Það fer allavega að styttast í það að ég fari að fljúga tveggjahreyfla vélinni sem er hérna. Hún hefur nú eflaust munað fífil sinn fegri, en hún virkar segja þeir. Ég verð bara að vona það!

Eftir "skólann" hjá Óla fórum við í Wal Mart og keyptum okkur eitthvað í ísskápinn eins og bjór og svoleiðis. Rut og Rúnar komu í heimsókn, ekki beint til þess að heimsækja okkur heldur til að ná í símahleðslutækið hennar Rut! Við ákváðum svo, eftir laaaangan tíma, að kíkja aðeins í verslunarmiðstöðina hérna. Kíktum þangað fengum okkur aðeins í svanginn og Óli keypti sér iPod. Bölvaður melurinn gat keypt nýjasta iPodinn sem er þynnri og með meira geymslupláss heldur en sá sem ég og Rúnar keyptum og búðin hætt að selja þann iPod!

En, já, svona er lífið. Planið er að fara til Yuma á morgun á meðan Óli fer í kynningarflugið sitt, en það kemur allt í ljós seinna. Og já! Ég keypti mér tvær linsur á myndavélina mína um daginn! Fékk tvær á tæplega 25 þús. kall, sem er vel sloppið! Kannski koma nokkrar flottar myndir fljótlega, fyrir þá sem hafa einhvern áhuga... hefur einhver skoðað myndirnar?!