Já, ég keypti mér Ray Ban sólgleraugu til að vera eins og hinir flugmennirnir. Ferlega asnaleg gleraugu, en góð þó!

Enn styttist óðfluga í að maður þurfi að pakka niður og leggja á sig a.m.k. 10 klukkutíma flug til að komast aftur heim í skíta kulda og leiðindi... Ekki það að ég hlakki ekki til að hitta allt fólkið heima, hefði bara verið betra að hitta það hér í sól og blíðu og afslöppun!

Var að taka saman tímana mína í dag, og er ég nú kominn með 444 tíma. Ég hef sem sagt flogið 194 tíma hérna síðustu tvo mánuði, og er ég alveg þokkalega sáttur við það. Hugsa þó alltaf hversu mikið maður HEFÐI geta flogið hérna, en það þýðir ekkert að spá í því.

Ég er hreinlega búinn að búa í tveggjahreyfla vélinni. Búinn að fljúga um 36 klukkutíma í þessari viku, sem gerir að meðaltali um 6 klukkutíma á dag... Nokkuð gott það, bara ef maður hefði verið svona duglegur allan tíman! Ég er þó kominn í nokkra daga frí frá tveggjahreyflavélinni þar sem hún þurfti að fara í skoðun í dag. Náði þó að fljúga henni 3 tíma í dag.

Óli er svo að fara til San Francisco á morgun og kemur aftur heim á mánudaginn. Ég hugsa að ég verði bara að fljúga eins mikið og ég get á meðan, nenni ekki að hanga einn heima.

Svo eru Rut og Rúnar búin að plana partý næstu helgi, á föstudag, þannig að það verður ágætis slútt á þessari snilldar ferð. Á pottþétt eftir að sakna þess að fljúga svona mikið og lifa hinu einfalda og góða lífi hérna úti.

Ég tók mig til í dag og bætt við myndasafnið, endilega að kíkja á það. Þar eru m.a. myndir úr ferðinni til Grand Canyon og svo hinar ýmsu myndir sem ég hef verið að taka úr ferðunum á tveggjahreyflavélinni.

Já og bara alskonar...